Sievjju/Seiland álbmotmeahci stivra lea álbmotmeahci hálddašaneiseváldi. Stivrras leat vihtta politihkkára geaid Birasgáhttendirektoráhta lea nammadan, Hámmerfeastta ja Álttá suohkaniid, Romssa ja Finnmárkku fylkkagieldda ja Sámedikki evttohusaid vuođul.
Befaring med Seiland nasjonalparkstyre. Foto: Ingunn Ims Vistnes
Søppelaksjon i Bårdfjorden. Foto: Ingunn Ims Vistnes
Álbmotmeahci stivra galgá hálddašit álbmotmeahci ollislaš vuogi mielde, ja nu ahte álbmotmeahci luonddu- ja kulturárvvut áimmahuššojuvvojit seammás go guovlu galgá sáhttit adnojuvvot dábálaš olgodaddamii ja boazodollui. Stivrras lea ovddasvástádus ráhkadit álbmotmeahci bajitdási plánaid, ja áigges áigái gulahallat singuin geain leat doaimmat guovllus. Stivrras lea váldi suodjalannjuolggadusaid ja luondduhálddašanlága olis, ja álbmotmeahci stivrras dat galgá ohcat lobi jus háliida sierralobi mohtorjohtolahkii, dronagirdimii, huksendoaimmaide dahje eará ohcanvuđot doaimmaide álbmotmeahcis.
Álbmotmeahci hálddašeaddji lea álbmotmeahci stivrra čállingoddi ja beaivválaš jođiheaddji, ja sus lea kantuvra Álttás.
Luonddubearráigeahčču
Stáhta luonddubearráigeahču (SNO) Álttá ossodagas lea luonddubearráigeahču ovddasvástádus Sievjju álbmotmeahcis. SNO bearráigeahččá ahte álbmotmeahci geavaheaddjit čuvvot lágaid ja njuolggadusaid, ja čađaha maid doaimmaid álbmotmeahcis álbmotmeahci stivrra ovddas.
Oppsett av turpostkasse. Foto: Ingunn Ims Vistnes