Hálddašeapmi ja bearráigeahčču

Sievjju/Seiland álbmotmeahci stivra lea álbmotmeahci hálddašaneiseváldi. Stivrras leat vihtta politihkkára geaid Birasgáhttendirektoráhta lea nammadan, Hámmerfeastta ja Álttá suohkaniid, Finnmárkku fylkkagieldda ja Sámedikki evttohusaid vuođul.

Sievjju álbmotmeahci stivrra ja Hámmerfeastta ráđđeaddi lávdegotti čoahkkimis. Govven: Ingunn Ims Vistnes

Boazodoalu ja Sievjju álbmotmeahci stivrra ovddasteaddjit ovttas geahčadeame guovllu. Govven: Geir Ove Bakken

Befaring med Seiland nasjonalparkstyre. Foto: Ingunn Ims Vistnes

Álbmotmeahci stivra lea merken bálgáid Altneset rájes álbmotmeahci ráji rádjái.

Álbmotmeahci stivrra lágidan álbmotčoahkkin Njižževuona rámbuvrris. Govven: Ingunn Ims Vistnes

Álbmotmeahci stivra lea huksen portálavistti Njižževuona bálgá vuolggasadjái. Govven: Ingunn Ims Vistnes

Søppelaksjon i Bårdfjorden. Foto: Ingunn Ims Vistnes

Álbmotmeahci stivra galgá hálddašit álbmotmeahci ollislaš vuogi mielde, ja nu ahte álbmotmeahci luonddu- ja kulturárvvut áimmahuššojuvvojit seammás go guovlu galgá sáhttit adnojuvvot dábálaš olgodaddamii ja boazodollui. Stivrras lea ovddasvástádus ráhkadit álbmotmeahci bajitdási plánaid, ja áigges áigái gulahallat singuin geain leat doaimmat guovllus. Stivrras lea váldi suodjalannjuolggadusaid ja luondduhálddašanlága olis, ja álbmotmeahci stivrras dat galgá ohcat lobi jus háliida sierralobi mohtorjohtolahkii, dronagirdimii, huksendoaimmaide dahje eará ohcanvuđot doaimmaide álbmotmeahcis.

Álbmotmeahci hálddašeaddji lea álbmotmeahci stivrra čállingoddi ja beaivválaš jođiheaddji, ja sus lea kantuvra Álttás.

www.nasjonalparkstyre.no/Seiland

Luonddubearráigeahčču

Stáhta luonddubearráigeahču (SNO) Álttá ossodagas lea luonddubearráigeahču ovddasvástádus Sievjju álbmotmeahcis. SNO bearráigeahččá ahte álbmotmeahci geavaheaddjit čuvvot lágaid ja njuolggadusaid, ja čađaha maid soames doaimmaid álbmotmeahcis álbmotmeahci stivrra ovddas.

Mátkegirjekássa bidjame. Govven: Ingunn Ims Vistnes

Miŋkagillara stellen sulložis gos mearralottit bessejit. Govven: Ingunn Ims Vistnes

Oppsett av turpostkasse. Foto: Ingunn Ims Vistnes